ચિકનપોક્સ રોગ અને રસીકરણ

ચિકનપોક્સ, જેને વેરીસેલા તરીકે પણ ઓળખવામાં આવે છે, તે અત્યંત ચેપી રોગ છે. તે બાળકો, કિશોરો, પુખ્ત વયના લોકો, સગર્ભા સ્ત્રીઓ અને નબળી રોગપ્રતિકારક શક્તિ ધરાવતા લોકોમાં વધારે ફેલાય છે.

તે વેરીસેલા-ઝોસ્ટર વાયરસને કારણે થાય છે અને તેનાથી ફોલ્લીઓ જેવા ચકામા થાય છે, જેનાથી ખંજવાળ આવે છે. ચકામા છાતી પર દેખાય છે અને પછી વાંસા પર, ચહેરા પર અને છેવટે આખા શરીરમાં ફેલાય છે. અન્ય લક્ષણોમાં તાવ, ભૂખ ન લાગવી, થાક અને માથાનો દુખાવો શામેલ હોઈ શકે છે.

આ વાયરસ ચિકનપોક્સ ધરાવતા લોકોમાંથી એવા અન્ય લોકોમાં સરળતાથી ફેલાય છે જેમને ક્યારેય આ રોગ થયો નથી અથવા રસી આપવામાં આવી નથી -

• ઉપસેલી ફોલ્લાઓ સાથે નજીકથી સંપર્ક કરવાના કારણે
• ચેપગ્રસ્ત વ્યક્તિ ઉધરસ ખાઈ, છીંક ખાઈ કે વાત કરે ત્યારે
• પ્લેસેન્ટાના માધ્યમથી માતા દ્વારા તેના અજાત બાળકમાં

લક્ષણોમાં શામેલ છે:

• હળવો થી વધારે તાવ
• ભૂખ ન લાગવી
• ચકામા જે ખંજવાળવાળા પ્રવાહીથી ભરેલા ફોલ્લાઓમાં બદલી જાય છે
• ફોલ્લાઓથી આખરે ચામડીનો રોગ થાય છે

ચિકનપોક્સની ગંભીર પરંતુ અમુકવાર થતી સમસ્યાઓમાં બેક્ટેરિયલ સુપરઇન્ફેક્શન, ડાઘ, નિમોનિયા, સેન્ટ્રલ નર્વસ સિસ્ટમમાં સમસ્યાઓ, રક્તસ્રાવની સમસ્યાઓનો સમાવેશ થાય છે.

ચિકનપોક્સથી ઉદ્દભવતી સમસ્યાઓ કેટલાક લોકોમાં ગંભીર માંદગીનું કારણ બની શકે છે અને તેનાથી હોસ્પિટલમાં દાખલ થવાની જરૂર પણ પડી શકે છે. ચિકનપોક્સ ભાગ્યે જ મૃત્યુનું કારણ બની શકે છે.

બાળકોને બે ડોઝ આપવા જોઈએ:

• 15 માં મહિને 1લો ડોઝ
• 18 થી 21 મહિનાની વચ્ચે 2જો ડોઝ

જો કોઈ વ્યક્તિએ એક અથવા બંને ડોઝ લેવાનું ચૂકી ગયા હોય, તો તમે હંમેશા કેચ-અપ રસીકરણની પસંદગી કરી શકો છો.

જો કે, વધુ માહિતી માટે તમારા ડૉક્ટરની સલાહ લો.

સૌથી સામાન્ય આડઅસર ઘણી વખત હળવી હોય છે અને તે પોતાની મેળે જતી રહે છે.

સામાન્ય આડઅસરો છે:

• શોટથી હાથનો દુખાવોt
• તાવ
• જ્યાં શોટ આપવામાં આવ્યો હોય ત્યાં થોડી-થોડી ફોલ્લીઓ
• સાંધામાં અસ્થાયી પીડા અને જડતા

રસીકરણ પછી ગંભીર એલર્જીક રિએક્શન થઇ શકે છે પરંતુ તે જીવનલેણ બની શકે છે.

ગંભીર એલર્જીક રિએક્શનના લક્ષણોમાં નબળાઈ, ચક્કર, ઝડપી ધબકારા, શ્વાસ લેવામાં તકલીફ, ચહેરા અને ગળામાં સોજો અને શિળસનો સમાવેશ થઈ શકે છે.

જો આવા રિએક્શન થાય, તો તમારા ડૉક્ટરની સલાહ લો અથવા નજીકની હોસ્પિટલમાં જાવ.

આડઅસરો વિશે વધુ વિગતો માટે, કૃપા કરીને તમારા ડૉક્ટરની સલાહ લો.