ಮಂಪ್ಸ್ ರೋಗ ಮತ್ತು ವ್ಯಾಕ್ಸಿನೇಷನ್

ಅನೇಕ ಮಕ್ಕಳು ಲಸಿಕೆಯ ನಂತರ ಯಾವುದೇ ಅಡ್ಡ ಪರಿಣಾಮಗಳನ್ನು ಹೊಂದಿಲ್ಲ. ಒಂದುವೇಳೆ ಅಡ್ಡಪರಿಣಾಮಗಳಿದ್ದರೆ ಅವು ಸೌಮ್ಯ ರೂಪದ್ದಾಗಿರುತ್ತದೆ ಮತ್ತು ಅವುಗಳೆಂದರೆ:

• ಸೂಜಿ ಚುಚ್ಚಿದ ಸ್ಥಳದಲ್ಲಿ ನೋವು, ಊತ ಮತ್ತು ಕೆಂಪಗಾಗುವುದು
• ಜ್ವರ
• ಸಣ್ಣ ದದ್ದುಗಳು
• ತಾತ್ಕಾಲಿಕ ನೋವು ಮತ್ತು ಕೀಲುಗಳಲ್ಲಿ ಬಿಗಿತ

ಅಪರೂಪವಾಗಿ, ಅಡ್ಡಪರಿಣಾಮಗಳಲ್ಲಿ ತೀವ್ರ ಜ್ವರ ಇರುತ್ತದೆ ಮತ್ತು ಮೂರ್ಛೆರೋಗಕ್ಕೆ ಕಾರಣವಾಗುತ್ತದೆ.

ಅಡ್ಡ ಪರಿಣಾಮಗಳ ಕುರಿತು ಹೆಚ್ಚಿನ ವಿವರಗಳನ್ನು ಪಡೆಯಲು ನಿಮ್ಮ ವೈದ್ಯರನ್ನು ಭೇಟಿಮಾಡಿ.

ಮಕ್ಕಳು 3 ಡೋಸ್ ಲಸಿಕೆಗಳನ್ನು ಪಡೆಯಬೇಕು:

• 9 ತಿಂಗಳುಗಳಲ್ಲಿ 1ನೆಯ ಡೋಸ್
• 15 ತಿಂಗಳುಗಳಲ್ಲಿ 2ನೆಯ ಡೋಸ್
• 4-6 ವರ್ಷಗಳ ನಡುವೆ 3ನೆಯ ಡೋಸ್

3ನೆಯ ಡೋಸ್ ಅನ್ನು ಎರಡನೆಯ ಡೋಸ್ ಹಾಕಿಸಿದ 8 ವಾರಗಳ ನಂತರ ಯಾವುದೇ ಸಮಯದಲ್ಲಿ ಹಾಕಿಸಬಹುದು.

ಕ್ಯಾಚ್-ಅಪ್ ವ್ಯಾಕ್ಸಿನೇಷನ್(ಲಸಿಕೆ)

ಈ ಹಿಂದೆ ರುಬೆಲ್ಲಾ ಲಸಿಕೆ(ವ್ಯಾಕ್ಸಿನೇಷನ್) ಪಡೆಯದ ಶಾಲೆಗೆ ಹೋಗುವ ಎಲ್ಲಾ ಮಕ್ಕಳು ಮತ್ತು ಹದಿಹರೆಯದವರು 2 ಡೋಸ್ ಗಳನ್ನೂ ಪಡೆಯಬೇಕು

ಒಂದುವೇಳೆ ಒಮ್ಮೆ ಲಸಿಕೆಯನ್ನು ಪಡೆದುಕೊಂಡಿದ್ದರೆ, ಕೇವಲ ಒಂದು ಡೋಸ್ ನೀಡಿದರೆ ಸಾಕು

2 ಡೋಸ್ ಗಳ ನಡುವಿನ ಅಂತರವು 4 ವಾರಗಳು ಇರಬೇಕು

ಆದಾಗಿಯೂ, ಹೆಚ್ಚಿನ ಮಾಹಿತಿಗಾಗಿ ನಿಮ್ಮ ವೈದ್ಯರನ್ನು ಭೇಟಿಯಾಗಿ

ಹೆಚ್ಚಿನ ಜನರು ಪರೋಟೈಟಿಸ್ ಎಂದೂ ಕರೆಯಲ್ಪಡುವ ಲಾಲಾರಸ ಗ್ರಂಥಿಗಳ (ಪರೋಟಿಡ್ ಗ್ರಂಥಿ) ಊತದಿಂದ ಬಳಲುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಪರೋಟಿಡ್ ಗ್ರಂಥಿಯು ಕಿವಿಯ ಮುಂಭಾಗದಲ್ಲಿ ಮತ್ತು ಕೆಳಗಿರುತ್ತದೆ ಮತ್ತು ಮಂಪ್ಸ್ ಸಮಯದಲ್ಲಿ ಇದು ಊದಿಕೊಳ್ಳುತ್ತದೆ. ಇದು ಕೆನ್ನೆಗಳನ್ನು ಉಬ್ಬುವಂತೆ ಮಾಡುತ್ತದೆ ಮತ್ತು ದವಡೆಯು ಊದಿಕೊಳ್ಳುತ್ತದೆ ಮತ್ತು ಹೆಚ್ಚು ನೋವಿರುತ್ತದೆ.

ಇತರ ಸಮಸ್ಯೆಗಳೆಂದರೆ:

• ಜ್ವರ
• ತಲೆನೋವು
• ಸ್ನಾಯು ನೋವು
• ಆಯಾಸ
• ಹಸಿವು ಕಡಿಮೆಯಾಗುವುದು

ಅಪರೂಪವಾಗಿ ಮಂಪ್ಸ್(ಗಳಗಂಟಲು) ಗಂಭೀರ ಸಮಸ್ಯೆಗಳನ್ನು ಹೊಂದಿದೆ, ಅವುಗಳೆಂದರೆ:

• ಆರ್ಕಿಟಿಸ್ - ವೃಷಣಗಳ ಉರಿಯೂತ
• ಊಫೋರೈಟಿಸ್ - ಅಂಡಾಶಯಗಳ ಉರಿಯೂತ
• ಪ್ಯಾಂಕ್ರಿಯಾಟೈಟಿಸ್ - ಮೇದೋಜೀರಕ ಗ್ರಂಥಿಗಳ ಉರಿಯೂತ
• ಎನ್ಸೆಫಲೈಟಿಸ್ - ಮೆದುಳಿನ ಉರಿಯೂತ
• ಮೆನಿಂಜೈಟಿಸ್ - ಮೆದುಳು ಮತ್ತು ಮೆದುಳು ಬಳ್ಳಿಯ ಮೇಲೆ ಮುಚ್ಚಿಕೊಂಡಿರುವ ಅಂಗಾಂಶದ ಉರಿಯೂತ

ವೃಷಣಗಳ ಉರಿಯೂತದಿಂದ ಪುರುಷರಲ್ಲಿ ತಾತ್ಕಾಲಿಕ ನಪುಂಸಕತೆ ಮತ್ತು ಫಲವತ್ತತೆ ಕಡಿಮೆಯಾಗುತ್ತದೆ.

ಮಂಪ್ಸ್ ವೈರಾಣು ಸಾಮಾನ್ಯವಾಗಿ ಮನುಷ್ಯರಿಂದ ಮಾತ್ರ ಹರಡುತ್ತದೆ. ಇದು ಸೋಂಕಿತ ವ್ಯಕ್ತಿಯ ಬಾಯಿ, ಮೂಗು ಅಥವಾ ಗಂಟಲಿನ ಎಂಜಲು ಅಥವಾ ಲೋಳೆಯಿಂದ ಹರಡುತ್ತದೆ.

ಮಂಪ್ಸ್ ಈ ಕೆಳಗಿನ ರೀತಿಯಾಗಿ ಹರಡುತ್ತದೆ:

• ಕೆಮ್ಮುವುದು
• ಸೀನುವುದು
• ಸೋಂಕಿತ ವ್ಯಕ್ತಿಯೊಂದಿಗೆ ವಸ್ತುಗಳನ್ನು ಹಂಚಿಕೊಳ್ಳುವುದು

ಮಂಪ್ಸ್ ಒಂದು ತೀವ್ರ ವೈರಾಣುವಿನ ರೋಗವಾಗಿದ್ದು ಇದು ಮುಖ್ಯವಾಗಿ ಒಂದು ಅಥವಾ ಎರಡೂ ಪರೋಟಿಡ್ ಲಾಲಾರಸ ಗ್ರಂಥಿಗಳ(ಕೆನ್ನೆ ಹಾಗೂ ದವಡೆ ಭಾಗ) ಮೇಲೆ ಪರಿಣಾಮಬೀರುತ್ತದೆ. ಇದು ರುಬುಲವೈರಸ್ ಕುಟುಂಬದ ಸದಸ್ಯ ಪ್ಯಾರಾಮಿಕ್ಸೊವೈರಸ್ನಿಂದ ಉಂಟಾಗುತ್ತದೆ.