ചിക്കൻപോക്സ് രോഗവും വാക്സിനേഷനും

വാരിസെല്ല എന്നും അറിയപ്പെടുന്ന ചിക്കൻപോക്‌സ് വളരെ ഗൗരവമേറിയ പകർച്ചവ്യാധിയാണ്. ശിശുക്കൾ, കൗമാരക്കാർ, മുതിർന്നവർ, ഗർഭിണികൾ, ദുർബലമായ പ്രതിരോധശേഷി ഉള്ളവർ എന്നിവരിൽ ഇത് ഗുരുതരമായേക്കാം.

ഇത് വാരിസെല്ല-സോസ്റ്റർ വൈറസ് മൂലമാണ് ഉണ്ടാകുന്നത്, ഇത് ചൊറിച്ചിലോടു കൂടിയ കുമിളകൾ ഉണ്ടാകാൻ കാരണമാകുന്നു. ഇങ്ങനെയുള്ള കുമിളകൾ നെഞ്ചിൽ പ്രത്യക്ഷപ്പെടുകയും പുറകിലേക്കും മുഖത്തേക്കും ഒടുവിൽ ശരീരത്തിലുടനീളവും വ്യാപിക്കുകയും ചെയ്യുന്നു. പനി, വിശപ്പില്ലായ്മ, ക്ഷീണം, തലവേദന എന്നിങ്ങനെയുള്ള മറ്റു ലക്ഷണങ്ങളും ഉണ്ടായിരിക്കാം.

ചിക്കൻപോക്‌സ് ഉള്ളവരിൽ നിന്ന് ഒരിക്കലും രോഗം വരാത്ത ആളുകൾ അല്ലെങ്കിൽ വാക്സിനേഷൻ എടുക്കാത്ത ആളുകളിലേക്ക് ഇനിപറയുന്നവയിലൂടെ വൈറസ് എളുപ്പത്തിൽ പടരുന്നു

• തുറന്ന കുമിളകളിൽ സ്പർശിക്കുമ്പോൾ
• രോഗബാധിതനായ ഒരാൾ ചുമയ്ക്കുമ്പോൾ, തുമ്മുമ്പോൾ അല്ലെങ്കിൽ സംസാരിക്കുമ്പോൾ
• പ്ലാസന്റ വഴി അമ്മയിൽ നിന്നും തന്റെ ഗർഭസ്ഥ ശിശുവിലേക്ക്

രോഗലക്ഷണങ്ങൾ ഇനിപറയുന്നവ ഉൾപ്പെടുന്നു:

• നേരിയ രീതിയിൽ ഉള്ളത് മുതൽ കഠിനമായ രീതിയിൽ വരെയുള്ള പനി
• വിശപ്പില്ലായ്മ
• തടിപ്പുകൾ ചൊറിച്ചിലോടു കൂടിയ ദ്രാവകം നിറഞ്ഞ കുമിളകളായി മാറുന്നു.
• കുമിളകൾ പിന്നീട് പാടുകളായി മാറുന്നു.

ചിക്കൻപോക്‌സിന്റെ ഗുരുതരവും എന്നാൽ അപൂർവവുമായ സങ്കീർണതകളിൽ ബാക്ടീരിയകൾ മൂലമുള്ള ഗുരുതരമായ അണുബാധ (ഇൻഫെക്ഷൻ), പാടുകൾ, ന്യുമോണിയ, കേന്ദ്ര നാഡീവ്യൂഹത്തിന്റെ പ്രവര്‍ത്തന തകരാറുകൾ, രക്തസ്രാവ പ്രശ്നങ്ങൾ എന്നിവ ഉൾപ്പെടുന്നു.

ചിക്കൻപോക്‌സിൽ നിന്ന് ഉണ്ടാകുന്ന സങ്കീർണതകൾ ചിലരിൽ ഗുരുതരമായ അസുഖം ഉണ്ടാക്കുകയും ആശുപത്രിയിൽ പ്രവേശിപ്പിക്കണ്ടതായി വരുകയും ചെയ്യുന്നു. ചിക്കൻപോക്‌സ് അപൂർവ്വമായി മാത്രമേ മരണത്തിന് കാരണമാകൂ.

കുട്ടികൾക്ക് രണ്ട് ഡോസുകൾ നൽകണം:

• 15 മാസത്തിനുള്ളിൽ 1 മത് ഡോസ്
• 18 മുതൽ 21 മാസം വരെ 2 മത് ഡോസ്

ഒരാൾക്ക് ഒന്നോ രണ്ടോ ഡോസുകൾ നഷ്ടമായാൽ, എല്ലായ്പ്പോഴും ഒരു ക്യാച്ച്-അപ്പ് വാക്സിനേഷൻ തിരഞ്ഞെടുക്കാം.

കൂടുതൽ വിവരങ്ങൾക്കായി നിങ്ങളുടെ ഡോക്ടറുമായി ബന്ധപ്പെടുക.

ഏറ്റവും പൊതുവായ പാർശ്വഫലങ്ങൾ പലപ്പോഴും നേരിയ രീതിയൽ ഉള്ളതായിരിക്കും, അവ സ്വയം ഇല്ലാതാകും.

സാധാരണ പാർശ്വഫലങ്ങൾ ഇവയാണ്:

• കുത്തിവയ്പ്പെടുത്ത കൈയിൽ വേദന
• പനി
• കുത്തിവയ്പ്പ് നൽകിയ സ്ഥലത്ത് നേരിയ തടിപ്പ്
• സന്ധികളിൽ താൽക്കാലിക വേദനയും കാഠിന്യവും

വാക്സിനേഷനു ശേഷമുള്ള ഗുരുതരമായ അലർജി പ്രതിപ്രവർത്തനങ്ങൾ അപൂർവമാണ്, എന്നാൽ ജീവന് തന്നെ ഭീഷണിയായെക്കാവുന്നവയുമാണ്.

കഠിനമായ അലർജി ലക്ഷണങ്ങളിൽ ബലഹീനത, തലകറക്കം, വേഗത്തിലുള്ള ഹൃദയമിടിപ്പ്, ശ്വസിക്കാൻ ബുദ്ധിമുട്ട്, മുഖത്തും തൊണ്ടയിലും വീക്കം, തിണര്‍പ്പുകൾ എന്നിവ ഉൾപ്പെടാം.

അത്തരം പ്രതികരണങ്ങൾ ഉണ്ടായാൽ, നിങ്ങളുടെ ഡോക്ടറെ സമീപിക്കുക, അല്ലെങ്കിൽ അടുത്തുള്ള ആശുപത്രിയിൽ എത്തുക.

പാർശ്വഫലങ്ങൾ സംബന്ധിച്ച കൂടുതൽ വിവരങ്ങൾക്ക്, ദയവായി നിങ്ങളുടെ ഡോക്ടറുടെ ഉപദേശം തേടുക.