टायफॉइड कॉन्ज्युगेट व्हॅक्सिनेशन

टायफॉइड हा जीवघेण्या प्रमाणात होणारा एक संसर्ग आहे, जो साल्मोनेला टायफी या बॅक्टेरियामुळे (जीवाणूमुळे) होतो. या आजारामुळे जगभरातील लाखो लोकं त्रस्त आहेत.

टायफॉइड दूषित अन्न आणि पाण्यातून पसरतो. त्यामुळे खराब स्वच्छता आणि असुरक्षित पिण्याचं पाणी असलेल्या ठिकाणी टायफॉइडची लागण होण्याची जास्त प्रमाणात शक्यता असते.

टायफॉइडच्या लक्षणांमध्ये यांचा समावेश आहे:

• अधिक काळापर्यंत तीव्र ताप
• थकवा
• डोकेदुखी
• खोकला
• मळमळ
• पोटात दुखणं
• डायर्हिया (अतिसार) किंवा कॉन्स्टिपेशन (बद्धकोष्ठता)
• भूक न लागणं

काहींना रॅश देखील येऊ शकते. ज्या लोकांना उपचार मिळत नाहीत त्यांना आठवडे किंवा महिने सतत ताप येऊ शकतो. टायफॉइड तापाच्या गंभीर केसेसमुळे जटिलता निर्माण होऊ शकते किंवा मृत्यू सुद्धा होऊ शकतो.

वयाच्या ६ ते ९ महिन्यांदरम्यान मुलांना एकच डोस मिळाला पाहिजे.

जर एखाद्या मुलास वयाच्या ९ महिन्यांपर्यंत हा डोस मिळाला नसेल तर, कॅच-अप लसीकरणासाठी आपल्या डॉक्टरांचा सल्ला घ्या

तथापि, अधिक माहितीसाठी आपल्या डॉक्टरांचा सल्ला घ्या.

टायफॉइड कॉन्जुगेट व्हॅक्सिनेशनशी (टी.सी.व्ही शी) संबंधित सामान्य

इनअॅक्टिव्हेटेड टायफॉइड कॉन्ज्युगेट व्हॅक्सिनेशन (टी.सी.व्ही) नंतर सामान्यत: माहीत असलेल्या साइड इफेक्ट्स मध्ये (दुष्परिणामांमध्ये) यांचा समावेश आहे:

• इंजेक्शनमुळे वेदना
• इंजेक्शन दिलेल्या ठिकाणी लालसरपणा किंवा सूज येणं
• ताप
• डोकेदुखी
• साधारण अस्वस्थता

साइड इफेक्ट्स विषयी (दुष्परिणामांविषयी) अधिक माहितीसाठी, कृपया आपल्या डॉक्टरांचा सल्ला घ्या.