इन्फ्लूएन्झा लसीकरण

सामान्यत: फ्लू म्हणून ओळखला जाणारा इन्फ्लूएन्झा, एक संसर्गजन्य, व्हायरल रेसपिरेटरी आजार आहे, जो सहसा नाक, घसा किंवा फुफ्फुसांना संक्रमित करतो. हा एका व्यक्तीकडून दुसऱ्या व्यक्तीला सहजरित्या देता येतो.

संसर्ग झालेल्या व्यक्तीने पसरवलेल्या थेंबांदवारे इन्फ्लूएन्झा सर्वांत पहिल्यांदा पसरतो. हा संसर्ग कमीतकमी सहा फूट अंतराने होऊ शकतो, असं तज्ज्ञांचं म्हणणं आहे. त्याशिवाय इन्फ्लूएन्झा व्हायरस (विषाणू) असलेल्या पृष्ठभागाला स्पर्श केल्यावर सुद्धा संसर्ग होऊ शकतो. हे नंतर आपले हात, आपल्या तोंड किंवा नाक आणि कधीकधी डोळे यांच्या माध्यमातून सुद्धा हस्तांतरित होऊ शकतो.

एखादी व्यक्ती स्वत: लक्षणं अनुभवण्यास सुरुवात करण्याआधी, इतर लोकांना संसर्ग देणारी कॅरिअर सुद्धा बनू शकते.

इन्फ्लूएन्झा हा रेसपिरेटरी सिस्टमवर परिणाम करणारा आजार आहे. ही लक्षणं सौम्य ते गंभीर पर्यंत असतात आणि यामुळे मृत्यू होऊ शकतो. इन्फ्लूएन्झाची काही सामान्य लक्षणं अशी आहेत:

• खोकला
• वाहतं किंवा भरलेलं नाक
• घसा खवखवणं
• ताप
• थंडी वाजणं
• थकवा जाणवणं
• डोकेदुखी
• स्नायू किंवा शरीराच्या वेदना

ही लक्षणं काही दिवस ते दोन आठवड्यांच्या दरम्यान कितीही काळ जाणवू शकतात.

अधिक गंभीर केसेसमध्ये, एखाद्या संसर्ग झालेल्या व्यक्तीस न्यूमोनियासारख्या जटिलता होऊ शकतात, ज्या जीवघेण्या ठरू शकतात. इन्फ्लूएन्झाचा संसर्ग एन्सेफलायटीस, मायोकार्डायटिस, मल्टी-ऑर्गन फेल्युअर आणि बरेच काही अशा जटिलता निर्माण करण्यास सुद्धा ओळखला जातो.

हे लक्षात ठेवणं महत्वाचं आहे की, फ्लू सर्दीसारखा नसतो. तसेच, ताप हे एक सामान्य लक्षण असलं तरी सुद्धा इन्फ्लूएन्झा व्हायरसची (विषाणूची) लागण झालेली प्रत्येक व्यक्ती हे अनुभवेल असं नाही.

मुलांसाठी, इन्फ्लूएन्झा लसीकरण (व्हॅक्सिनेशन) खालीलप्रमाणे उपलब्ध आहे:

१ वर्षाहून लहान:

इन्फ्लूएन्झा लस ६ महिन्यानंतर सुरू करावी, ४ आठवड्यांच्या अंतराने २ डोस द्यावेत.

१ वर्षापुढील:

वार्षिक इन्फ्लूएन्झाचं लसीकरण (व्हॅक्सिनेशन) सर्वांना वयाची ५ वर्षे होईपर्यंत देणं सुरू ठेवलं पाहिजे.

५ वर्षांपेक्षा लहान आणि त्यापेक्षा जास्त वयासाठी इन्फ्लूएन्झा लसीकरणाबद्दल (व्हॅक्सिनेशनबद्दल) अधिक माहितीसाठी आपल्या डॉक्टरांचा सल्ला घ्या.

इन्फ्लूएन्झा लसीकरणाशी संबंधित जरी सामान्य साइड इफेक्ट्स (दुष्परिणाम) प्रत्येकावर परिणाम करू शकत नसले, तरी सुद्धा येथे काही सामान्यपणे पाहिलेले साइड इफेक्ट्स (दुष्परिणाम) आहेत.

डोकेदुखी

ताप

मळमळ

स्नायू दुखणं

चक्कर येणं किंवा बेशुद्ध होणं

त्याव्यतिरिक्त, इन्फ्लूएन्झा शॉट घेतल्यावर शॉट घेतल्याच्या ठिकाणी सूज येऊ शकते किंवा दुखू शकतं.

तथापि, आपल्याला खालीलपैकी कोणतीही लक्षणं जाणवल्यास, ती कदाचित ऍलर्जीक रिॲक्शनची चिन्हं असू शकतात.

• रॅश
• अशक्तपणा
• श्वास घेताना त्रास होणं
• हृदयाची धडधड जाणवणं
• घरघर जाणवणं

साइड इफेक्ट्सविषयी (दुष्परिणामांविषयी) अधिक माहितीसाठी, कृपया आपल्या डॉक्टरांचा सल्ला घ्या.