ट्युबरक्यूलोसिस (टी.बी)
लसीकरण (व्हॅक्सिनेशन)

ट्युबरक्यूलोसिस (क्षयरोग) (टी.बी) हा मायकोबॅक्टेरियम ट्युबरक्यूलोसिसमुळे होणारा एक संसर्ग आहे. हे सामान्यत: लंग्सना (फुफ्फुसांना) संक्रमित करतं आणि तेथून सहज पसरतं, परंतु यामुळे कणा, किडणी (मूत्रपिंड) आणि मेंदू यांवर सुद्धा परिणाम होऊ शकतो. बॅक्टेरिया (जीवाणू) जरी कोणालाही संसर्ग देऊ शकत असले तरी सुद्धा प्रत्येकात लक्षणं दिसतील असं नाही, खास करून लंग्सना (फुफ्फुसांना) संसर्ग झाला नसेल तर दिसणार नाहीत.

ट्युबरक्यूलोसिस (क्षयरोग) (टी.बी) हा एक हवेतून होणारा आजार आहे. जर एखाद्याने टी.बी च्या रुग्णाच्या संपर्कात येऊन संक्रमित हवेत श्वास घेतला, तर त्यांनाही संसर्गाचा त्रास होऊ शकतो. बॅक्टेरिया (जीवाणू) शरीराच्या अनेक भागांवर परिणाम करू शकतात, परंतु जेव्हा हा रोग घशात किंवा फुफ्फुसांमध्ये असतो तेव्हा तो संसर्गजन्य असतो.

टी.बी स्पर्श किंवा त्वचेच्या संपर्काद्वारे पसरत नाही. अन्न किंवा पेय शेअर करणं किंवा स्पर्श करणं हे ट्रान्समिट होण्याचे सामान्य प्रकार नाहीत. तथापि, टी.बी सामान्यत: अशा लोकांवर परिणाम करतो जे संसर्ग झालेल्या रुग्णाबरोबर काही वेळ राहतात किंवा त्यांच्याबरोबर जागा शेअर करतात,

ट्युबरक्यूलोसिसशी (क्षयरोगाशी) सर्वात सामान्यपणे संबंधित काही लक्षणं आहेत खोकला येणं आणि छातीत दुखणं. ही लक्षणं बहुधा अशा रूग्णांवर परिणाम करतात ज्यांच्या फुफ्फुसांना संसर्ग झालेला आहे. टी.बी ची इतर काही लक्षणं अशी आहेत:

• खोकल्यात रक्त किंवा थुंकी येणं
• ताप
• थकवा किंवा अशक्तपणा
• भूक न लागणं
• वजन कमी होणं

• जन्मानंतर लगेच १ डोस देणं गरजेचं आहे.
• कॅच-अप डोस वयाच्या ६ आठवड्यांपासून ४-५ वर्षांदरम्यान कधीही घेतला जाऊ शकतो.
• तथापि, अधिक माहितीसाठी आपल्या डॉक्टरांचा सल्ला घ्या.

बी.सी.जी लसीकरणाशी संबंधित असे बरेच अनिष्ट साइड इफेक्ट्स (दुष्परिणाम) नाहीत. साधारणतः संबंधित बहुतांश साइड इफेक्ट्स (दुष्परिणाम) त्वचेशी संबंधित असतात.

साइड इफेक्ट्स विषयी (दुष्परिणामांविषयी) अधिक माहितीसाठी, कृपया आपल्या डॉक्टरांचा सल्ला घ्या.